మెగా పవర్ స్టార్ రామ్ చరణ్ ఇప్పటివరకూ మేకోవర్ విషయంలో భారీగా ఛేంజ్ ఎప్పుడూ ట్రై చేయలేదు. హెయిర్ స్టైల్ లో మార్పు తప్పితే.. ఈ విషయంలో పెద్దగా ఎఫర్ట్ పెట్టింది కూడా లేదు. అయితే.. రాబోయే మూవీ 'ధృవ' కోసం మాత్రం చెర్రీ చాలానే కష్టపడ్డాడు. ఐపీఎస్ ఆఫీసర్ గా కనిపించే లుక్ ప్లస్ బాడీ లాంగ్వేజ్ కోసం చాలామందినే అప్రోచ్ అయ్యాడు చెర్రీ.
దసరాకి ధృవ రిలీజ్ కావాల్సి ఉంది కానీ.. షూటింగ్ విషయంలో తొందరపడి క్వాలిటీలో కాంప్రమైజ్ కాకుండా ఉండేందుకు వాయిదా వేసేసుకున్నారు. ఎప్పుడు విడుదల చేస్తారనే అంశంపై ఇంకా క్లారిటీ లేదు కానీ.. ఫస్ట్ కాపీ చేతికి రాగానే.. కొంతమంది పోలీస్ ఆఫీసర్స్ కు స్పెషల్ షో వేయనున్నారట. రెండురాష్ట్రాల నుంచి కొంతమంది పోలీస్ ఉన్నతాధికారులను.. వారి కుటుంబ సభ్యుల కోసమే ఈ ప్రత్యేక ప్రదర్శన ఉంటుందని తెలుస్తోంది. ఇందుకు కారణమేంటో తెలుసా?
రామ్ చరణ్ ధృవను స్టార్ట్ చేసే ముందు చాలామంది పోలీస్ లను కలిశాడు. ఐపీఎస్ అధికారి బిహేవియర్ ఎలా ఉంటుంది.. లుక్ ఎలా ఉండాలి.. వాకింగ్.. టాకింగ్.. ఇలా చాలా విషయాలను దగ్గరుండి మరీ అబ్జర్వ్ చేశాడట. అప్పట్లో తను కలిసినవాళ్లతోపాటు మరింత మందిని కూడా ఈ స్పెషల్ షోకి అహ్వానిస్తోంది చెర్రీ అండ్ టీమ్. ఈ స్పెషల్ షో ఎప్పుడు వేస్తారనే డౌట్ రావడం సహజమే కానీ.. ఇంకా డేట్ ఎవరికీ చెప్పలేదు. జస్ట్ ముందుగా ఇన్వైట్ చేస్తున్నారంతే.
No comments:
Post a Comment