పవర్ స్టార్ పవన్ కళ్యాణ్.. రామ్ చరణ్.. ఈ బాబాయ్ అబ్బాయ్ లు మెగా ఫ్యామిలీలో మెయిన్ పిల్లర్స్ అనే విషయం తెలిసిందే. మెగా ఫ్యామిలీలో జరిగే సినిమాలు- పర్సనల్ ఈవెంట్లకు పవన్ దూరంగా ఉండడం.. చాలామందికి చాలానే డౌట్స్ క్రియేట్ చేస్తుంది. అయితే.. పవన్ ఎప్పుడూ తనకు రామ్ చరణ్ అంటే ఎంతిష్టమో మాటలతో చెప్పలేదు కానీ.. బాబాయ్ లేకుండా మేము లేమని చరణ్ చాలాసార్లే చెప్పేశాడు.
మరి ఈ బాబాయ్-అబ్బాయ్ ల మధ్య అనుబంధం ఎంతుందో ప్రపంచానికి ఎలా తెలుస్తుంది? అందుకే పవన్ పుట్టిన రోజున చెర్రీ ఒక ఫోటోని మెగాభిమానులతో షేర్ చేసుకున్నాడు. ఆ ఫోటోలో పవన్ కళ్యాణ్ సర్దార్ గబ్బర్ సింగ్ గెటప్ లో ఉంటే.. చెర్రీ ఓ కుర్తాలో సింపుల్ గా కనిపిస్తాడు. చరణ్ కుర్చీలో కూర్చుని ఉంటే.. వెనకాల నుంచున్న పవన్.. చెర్రీ మొహాన్ని గెడ్డం దగ్గర పట్టుకుని ఫోటోకు పోజిచ్చాడు. మధ్యలో సర్దార్ గన్ కూడా ఉంటుంది లెండి. దాన్ని ఇద్దరూ కలిసి హ్యాండిల్ చేసేశారు.
పవన్-చరణ్ లను ఇంత ఆప్యాయంగా చూసిన దాఖలాలు గతంలో లేవు. అందుకే ఇప్పుడు బాబాయ్- అబ్బాయ్ లు ఇంత క్లోజ్ అనుకుంటున్నారు చాలామంది. రామ్ చరణ్ కు తండ్రి చిరు కంటే బాబాయ్ పవన్ దగ్గరే చేరిక ఎక్కువని.. గారాలు పోతూ ఉంటాడని చెప్పుకుంటారు లెండి. ఈ ఫోటో చూస్తే అది నిజమే అని కనిపిస్తోంది కదా.
No comments:
Post a Comment