పవర్ స్టార్ పవన్ కళ్యాణ్ కోసం తన దగ్గర ఉన్న కథల్లో స్వల్ప మార్పులు చేసి మానవీయ కోణం ని జత చేయడానికి సమాయత్తం అవుతున్నాడు హ్యాట్రిక్ చిత్రాల దర్శకుడు కొరటాల శివ . ప్రభాస్ తో మిర్చి , మహేష్ తో శ్రీమంతుడు , ఎన్టీఆర్ తో జనతా గ్యారేజ్ చిత్రాలు చేసి , ఆ చిత్రాలతో సందేశాన్ని ఇచ్చి కూడా మెప్పించిన దర్శకులు శివ . ఇప్పటివరకు చేసిన మూడు చిత్రాలు సూపర్ హిట్ కావడం , అవన్నీ కూడా అగ్ర హీరోలతో చేయడంతో కొరటాల శివ పై భారీ అంచనాలు ఏర్పడ్డాయి . మళ్ళీ మహేష్ బాబు , ప్రభాస్ లతో సినిమాలు చేయడానికి రెడీ అవుతున్న కొరటాల పవన్ కళ్యాణ్ తో కూడా సినిమా చేయాలనీ ఆరాట పడుతున్నాడు . అయితే పవన్ అనగానే ఇంకా అంచనాలు పెరుగుతాయి కాబట్టి ఆ అంచనాలకు తగ్గట్లుగా మానవీయ కోణంలో బ్రహ్మాండమైన కథ చేయడానికి ప్లాన్ చేస్తున్నాడు కొరటాల . ఈ ఇద్దరి కాంబినేషన్ లో సినిమా వస్తే ఇక బాక్సాఫీస్ బద్దలవడం ఖాయం.
No comments:
Post a Comment