రామ్ చరణ్ లో చాలానే ట్యాలెంట్స్ ఉన్నాయనే సంగతి అభిమానులకు బాగానే తెలుసు. డ్యాన్సులు.. ఫైట్లు ఇరగదీసేయడమే కాదు.. హార్స్ రైడింగ్స్- అడ్వంచరస్ బైక్ డ్రైవింగ్ లాంటివి మనోడు ఇరగదీసేస్తాడు. ఇన్ని కళలు ఉన్న చెర్రీ.. ఇప్పుడు మెగాస్టార్ 150వ సినిమా.. ఖైదీ నెంబర్ 150తో ప్రొడక్షన్ కూడా స్టార్ట్ చేసేశాడు.
ఈ మెగా మూవీకి రామ్ చరణ్ తో పాటు వాళ్ల అమ్మ సురేఖ కూడా నిర్మాతే. సెట్స్ లో ఈ ప్రొడ్యూసర్స్ ఇద్దరూ రీసెంట్ గా హంగామా చేశారు. లీజర్ టైమ్ లో.. చెర్రీ తన లోని మరో ట్యాలెంట్ ని బయటపెట్టాడు. ఓ చిన్నారిని ఎదురుగా నుంచో బెట్టి.. తన ఫేస్ ని స్కెచ్ వేసేశాడు చరణ్. ఈ డ్రాయింగ్ ని కాసింత క్లోజప్ లోంచి కూడా చూపించారు కాబట్టి.. చరణ్ ట్యాలెంట్ ఈజీగానే అర్ధమైపోతుంది.
'చెర్రీలో దాగి ఉన్న ట్యాలెంట్ ని చూశారా.. ఖైదీ నెం 150 సెట్స్ లో లైవ్ స్కెచింగ్ సెషన్' అంటూ కొణిదెల ప్రొడక్షన్స్ స్వయంగా ఓ వీడియోను రిలీజ్ చేయగా.. ఇందులో చరణ స్కెచ్ లు వేయడం.. పక్కన ఉన్న వాళ్ల అమ్మ ఆ పేపర్ ని చూసి మనసారా నవ్వేయడం గమనించచ్చు. మొత్తానికి చరణ్ లో ఉన్న మరో ట్యాలెంట్ ఇలా బయటకొచ్చింది. చరణ్ లో మరెన్ని ట్యాలెంట్స్ ఉన్నాయో?
No comments:
Post a Comment