పవర్ స్టార్ పవన్ కళ్యాణ్ కొన్ని రోజుల క్రితం సమ్మర్ వెకేషన్ కి వెళ్లిన విషయం తెలిసిందే. మొదట పూనేలో కొన్ని రోజుల పాటు మాజీ వైఫ్ రేణూ దేశాయ్ దగ్గర ఉన్న పిల్లలతో గడిపిన పవన్.. తర్వాత ప్రస్తుత భార్యతో కలిసి రష్యా టూర్ వెళ్లాడు. తిరిగి వచ్చీ రాగానే.. తన స్నేహితుడైన త్రివిక్రమ్ కు ఫోన్ చేశాడట పవన్. అ..ఆ..కు లభిస్తున్న ఆదరణ గురించి తెలుసుకున్న పవన్.. ఆ సినిమాను చూద్దాం.. షో ఏర్పాటు చేయమని కోరాడట.
మరి పవన్ కళ్యాణ్ అడిగితే.. స్పెషల్ షో పడకుండా ఉంటుందా? వెంటనే ఏర్పాటు చేసేయడం.. పవన్ తో కలిసి దర్శకుడు త్రివిక్రమ్ కొందరు సన్నిహితులతో కలిసి చూసేయడం జరిగిపోయాయి. సినిమాని పూర్తిగా ఎంజాయ్ చేసిన పవర్ స్టార్.. త్రివిక్రమ్ ను మనసారా అభినందించాడని తెలుస్తోంది. 'అ..ఆ.. ను పవన్ బాగా ఎంజాయ్ చేస్తూ చూశారు. ముఖ్యంగా రావు రమేష్ డైలాగ్స్ కు ప్రశంసలు కురిపంచారు. రావు రమేష్ చేసిన సీన్స్ ను మళ్లీ మళ్లీ రిపీటెడ్ గా చూశారు పవన్' అని యూనిట్ వర్గాలు చెబుతున్నాయి.
ఇక అసలు విషయం ఏంటంటే.. ప్రస్తుతం పవన్ కోసం త్రివిక్రమ్ స్క్రిప్ట్ రెడీ చేస్తున్నాడని.. డిసెంబర్ నుంచి షూటింగ్ స్టార్ట్ అవుతుందని తెలుస్తోంది. జల్సా - అత్తారింటికి దారేది లాంటి బ్లాక్ బస్టర్స్ సాధించిన వీరిద్దరి కాంబినేషన్.. టాలీవుడ్ లో కొత్త లెక్కలు సెట్ చేస్తుందని ఇండస్ట్రీ వర్గాలు ఆశిస్తున్నాయి
No comments:
Post a Comment