టాలీవుడ్లో గతేడాది నుంచి వరుస సక్సెస్లతో దూసుకుపోతున్నాడు యంగ్ హీరో నాని. ఎవడే సుబ్రహ్మణ్యం - జెండా పైకపిరాజు - భలే భలే మగాడివోయ్ - కృష్ణగాడి వీరప్రేమగాథ సినిమాల తర్వాత నాని మార్కెట్ డబుల్ అయ్యింది. ఇక ఈ యేడాది ఇప్పటికే కృష్ణగాడి సినిమాతో హిట్ కొట్టి ఈ శుక్రవారం ఒకప్పటి బ్లాక్ బస్టర్ టైటిల్ జెంటిల్ మేన్ మూవీతో ప్రేక్షకుల ముందుకు వస్తున్నాడు.
మోహన్ కృష్ణ ఇంద్రగంటి దర్శకత్వంలో తెరకెక్కిన ఈ సినిమాపై మంచి అంచనాలే ఉన్నాయి. కృష్ణగాడి సినిమాలో బాలయ్య అభిమానిగా కనిపించి మెప్పించిన నాని ఇప్పుడు పవర్ స్టార్ అభిమానిగా కనిపించనున్నాడు. కృష్ణగాడి సినిమాలో చేతి మీద జై బాలయ్య టాటూతో కనిపించిన నాని నందమూరి అభిమానులను కూడా ఎట్రాక్ట్ చేశాడు. నందమూరి అభిమానులందరూ నాని సినిమాకు మంచి సపోర్ట్ ఇచ్చారు.
ఇక జెంటిల్ మేన్ తర్వాత నాని ఉయ్యాల జంపాల ఫేం విరించి వర్మ దర్శకత్వంలో ఓ సినిమాలో నటిస్తున్నాడు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమా త్వరలోనే షూటింగ్ జరుపుకోనుంది. ఈ సినిమాలో నాని పవర్ స్టార్ పవన్ కళ్యాణ్ అభిమానిగా కనిపించనున్నాడు. ఇప్పటికే యంగ్ హీరో నితిన్ రియల్ లైఫ్ లో పవన్ వీరాభిమానిగా పాపులర్ అయ్యి పవన్ ఫ్యాన్స్ ను బాగానే వాడుకుంటున్నాడు. ఇక ఇప్పుడు నాని రీల్ లైఫ్ లో పవన్ అభిమాని అవతారం ఎత్తనున్నాడు. మరి నాని సినిమాకు పవన్ సెంటిమెంట్ ఎంత వరకు వర్క్ అవుట్ అవుతుందో చూడాలి.
No comments:
Post a Comment