పవన్ కళ్యాణ్ ప్రకటించిన కొత్త సినిమా ఆగిపోయిందంటూ కొన్ని రోజులుగా టాలీవుడ్ లో చాలానే వార్తలు వస్తున్నాయ్. దర్శకత్వ బాధ్యతల నుంచి ఎస్ జె సూర్యని తప్పించి.. డాలీకి అప్పగించడం తెలిసిందే. స్క్రిప్ట్ విషయంలో డాలీ సంతృప్తిగా లేకపోవడంతో.. అసలీ ప్రాజెక్టునే పక్కన పెట్టేసిన పవన్.. త్రివిక్రమ్ తో సినిమాను మొదలుపెడుతున్నాడనే రూమర్స్ వినిపించాయి. దీనిపై నిర్మాత శరత్ మరార్ నుంచి క్లారిటీ వచ్చేసింది.
'పవన్ కళ్యాణ్-డాలీ కాంబినేషన్ లో రూపొందనున్న చిత్రానికి అన్నీ సిద్ధమయ్యాయి. స్క్రిప్క్ కూడా పర్ఫెక్ట్ గా రెడీ అయింది. త్వరలో ఫస్ట్ షెడ్యూల్ కి వెళ్లబోతున్నాం' అంటూ చెప్పేశాడు శరత్ మరార్. పవన్ కి సన్నిహితుడైన ఈ నిర్మాత ఇచ్చిన క్లారిటీతో.. పవన్ మొదలుపెట్టిన ప్రాజెక్టు ఆగిపోలేదనే విషయం అర్ధమవుతోంది. ఈ నెలాఖర్లో తొలి షెడ్యూల్ ని స్టార్ట్ చేసే అవకాశాలున్నాయని తెలుస్తోంది. హీరోయిన్ తో పాటు మరికొందరి డేట్స్ ఫైనల్ చేసుకుని.. షూటింగ్ ప్లాన్ చేసుకోనున్నారు.
పవర్ స్టార్ కొత్త సినిమాలో శృతిహాసన్ ని హీరోయిన్ గా ఫైనల్ చేసిన విషయం తెలిసిందే. ఇప్పటికే ఈమెతో అగ్రిమెంట్ సహా పూర్తయిపోగా.. మ్యూజిక్ డైరెక్టర్ అనూప్ రూబెన్స్ 2 సాంగ్స్ ను కూడా కంపోజ్ చేసి దర్శకుడికి వినిపించాడట. తెర వెనక అన్ని పనులు ఇంత స్పీడ్ గా జరుగుతుంటే.. అసలు ప్రాజెక్ట్ ఆగిపోయిందని రూమర్స్ ఎలా వస్తాయో కదా!
No comments:
Post a Comment