తన కెరియర్ లో కేవలం మాజీ వైఫ్ రేణు దేశాయ్ తో మాత్రమే రెండోసారి నటించాడు పవన్ కళ్యాణ్. ఇన్నేళ్ళ కెరియర్ లో ఏ హీరోయిన్ ను కూడా ఆయన రెండోసారి రిపీట్ చేయలేదు. ఇక అదే పద్దతిలో దంచేస్తున్నాడు మరో మెగా హీరో అల్లు అర్జున్. కాని మొన్ననే బోయపాటి శ్రీను ఫోర్సు చేయడం కారణంగానే సరైనోడు సినిమాలో క్యాథరీన్ త్రెసాను తీసుకున్నాడట. అప్పటికే రుద్రమదేవి లో ఓసారి ఆమెతో కలసి నటించేశాడు కూడా. అయితే క్యాథరీన్ కోసమే బ్రేక్ చేసిన ఈ నో-రిపీట్ పాలసీని ఇప్పుడు మళ్ళీ బ్రేక్ చేస్తున్నాడా? అంటే అవుననే అంటున్నారు.
ఇప్పటికే తనతో గబ్బర్ సింగ్ సినిమాలో నటించిన శృతి హాసన్ తో రెండోసారి పనిచేద్దాం అని ఫిక్సయిన పవన్.. ఆమెను ఎస్.జె.సూర్య సినిమాలోకి హీరోయిన్ గా తీసుకున్నాడు. మరి డైరక్టర్ ను మార్చాడు కాబట్టి హీరోయిన్ ను కూడా మారుస్తాడేమో తెలియదు కాని.. ఇదంతా చూసి బన్నీ కూడా ఇన్ స్పయిర్ అయినట్లు అనిపిస్తోంది. రేసుగుర్రం సినిమాలో తనతో హిట్ జోడీగా నటించిన శృతి హాసన్ తో రెండోసారి పని చేద్దాం అని ఫిక్సయ్యాడటలే. త్వరలో హరీశ్ శంకర్ డైరక్షన్ లో చేయబోయే సినిమా కోసం.. శృతిని శృతిచేస్తున్నట్లు టాక్.
ఇప్పటికే శృతి హాసన్.. హరీశ్ శంకర్ తో గబ్బర్ సింగ్ - బన్నీతో రేసుగుర్రం వంటి సాలిడ్ హిట్లు కొట్టింది కాబట్టి.. ఇప్పుడు తన పాలసీని బ్రేక్ చేస్తున్న తరుణంలో ఈ మెగా హీరోకు మరింత పెద్ద హిట్టిస్తుంది అని ఫీలవుతున్నారు ఫ్యాన్స్. అది సంగతి.
No comments:
Post a Comment