హీరోయిన్ ఎవరో తేల్చకుండానే సినిమా ప్రారంభోత్సవం అయిపోయింది. రెగ్యులర్ షూటింగ్ కూడా మొదలైపోయింది. ఒక షెడ్యూల్ అవగొట్టేసి రెండో షెడ్యూల్ కు కూడా శ్రీకారం చుట్టేస్తున్నారు. ఇప్పటిదాకా చిరంజీవి 150వ సినిమాకు హీరోయిన్ ఎవరన్నది తేలలేదు. ఓ పక్క షూటింగ్ అవుతూ ఉంటే.. ఇంకో పక్క హీరోయిన్ని ఫైనలైజ్ చేసేద్దాంలే అనుకున్నారు. కానీ చూస్తుండగానే రోజులు గడిచిపోయాయి. బాలీవుడ్ హీరోయిన్ ల కోసం చేసిన ప్రయత్నాలు ఫలించలేదు. చివరికి హీరోయిన్ ఎవరో తేలక షూటింగే ఆపుకోవాల్సిన పరిస్థితి తలెత్తింది. ఐతే ఇక లాభం లేదని హీరోయిన్ విషయంలో కాస్త రాజీ పడటానికే నిర్ణయించుకుందట ‘చిరు-150’ టీమ్.
ఫేడవుట్ అయిపోతున్న ఒకప్పటి స్టార్ హీరోయిన్ కాజల్ అగర్వాల్ ను చిరంజీవికి జోడీగా ఎంపిక చేసినట్లుగా టాలీవుడ్లో ప్రచారం జరుగుతోంది. వేరే ఆప్షన్లు ఏమీ కనిపించని నేపథ్యంలో చందమామకే ఓటేసినట్లు చెబుతున్నారు. ఐతే కాజల్ చిరు పక్కన హీరోయిన్ అనే విషయాన్ని అభిమానులు ఎలా జీర్ణించుకుంటారన్నది డౌటు. కాజల్ ఆల్రెడీ చరణ్ పక్కన ఒకటికి మూడు సినిమాల్లో నటించింది. మరి తండ్రి పక్కనా హీరోయిన్ అంటే కొంచెం ఇబ్బంది కలిగించే విషయమే. చరణ్ తో చేశాక.. పవన్ తో చేసింది కదా ఇబ్బందేంటి అనిపించొచ్చు. బాబాయితో నటించడం వేరు. మరీ తండ్రి సరసన చిందులేయడం వేరు. పైగా సర్దార్ గబ్బర్ సింగ్.. బ్రహ్మోత్సవం లాంటి డిజాస్టర్లతో కాజల్ మీద నెగెటివ్ ముద్ర పడిపోయింది. పైగా ఆమెలో మునుపటి గ్లో కూడా కనిపించట్లేదు. ఇన్ని ప్రతికూలతల మధ్య ఆమెను హీరోయిన్ గా ఫైనలైజ్ చేస్తారా అన్నది డౌటు.
No comments:
Post a Comment