గత కొన్నేళ్లుగా ఆచితూచి సినిమాలు చేస్తున్నాడు అల్లు అర్జున్. మిగతా హీరల్లాగా ఒక సినిమా పూర్తయిన వెంటనే ఇంకో సినిమా మొదలుపెట్టేయకుండా కనీసం ఆరు నెలలు గ్యాప్ తీసుకుని కానీ.. తర్వాతి సినిమాను సెట్స్ మీదికి తీసుకెళ్లట్లేదు. దర్శకులు కథల ఎంపికలో అతను అంత సెలెక్టివ్ గా ఉంటున్నాడు. ‘సరైనోడు’ తర్వాత కూడా బన్నీ ఇలాగే చేస్తున్నాడు. ఆ సినిమా విడుదలై రెండు నెలలైనా ఇంకా సినిమా మొదలుపెట్టలేదు. అసలు ఎవరితో సినిమా చేసేది కూడా తేల్చలేదు. తమిళ దర్శకుడు లింగుస్వామితో పాటు ఇష్క్.. మనం.. 24 సినిమాల డైరెక్టర్ విక్రమ్ కుమార్ కూడా అతడి కోసం కథలు సిద్ధం చేస్తున్న సంగతి వాస్తవం. ఐతే వీటిలో ఏది ముందు మొదలవుతుందో స్పష్టత లేదు.
ఇంతలో వాటి కంటే ముందు మరో హరీష్ శంకర్ దర్శకత్వంలో బన్నీ తన తర్వాతి సినిమాను చేయాలని ఫిక్సయినట్లు తాజా సమాచారం. హరీష్ శంకర్ ఇంతకుముందే బన్నీతో పని చేయాల్సింది. ‘సుబ్రమణ్యం ఫర్ సేల్’ కథను రాసిందే బన్నీ కోసం. ఐతే ‘రామయ్యా వస్తావయ్యా’ తర్వాత బన్నీ అతడితో పని చేయడానికి వెనక్కి తగ్గాడు. ‘సుబ్రమణ్యం ఫర్ సేల్’తో ఫామ్ అందుకున్న హరీష్.. బన్నీని మెప్పించడానికి చాన్నాళ్లుగా కథలు చెబుతూనే ఉన్నాడు కానీ.. ఏదీ వర్కవుట్ కాలేదు. ఐతే ఈ మధ్యే ఓ వైవిధ్యమైన హీరో క్యారెక్టరైజేషన్ చెప్పి బన్నీని మెప్పించాడట. దాని మీద వర్కవుట్ చేయమని చెప్పగా.. కొన్ని రోజుల్లోనే పూర్తి స్క్రిప్టుతో కలిశాడట హరీష్. ఇప్పుడు సినిమా ఓకే అయిపోయిందని.. తక్కువ వ్యవధిలో ఈ సినిమాను పూర్తి చేసి వచ్చే ఏడాది ఆరంభానికి లింగుస్వామి లేదా విక్రమ్ కుమార్ డైరెక్షన్లో సినిమా మొదలుపెట్టాలని అనుకుంటున్నాడట బన్నీ.
No comments:
Post a Comment