సోషల్ మీడియాలో ఎప్పటికప్పుడు తన అభిప్రాయాలను పంచుకునే సంచలన దర్శకుడు రామ్ గోపాల్ వర్మ తాజాగా మరో ప్రకటన చేశాడు. పవన్ కళ్యాణ్‌ను పలుసార్లు విమర్శించిన వర్మ తాజగా తన స్పందనతో ఆకాశానికెత్తేశాడు. మాట్లాడలేని వాళ్లే పవన్‌ను అర్ధం చేసుకోవడానికి ఎక్కువ సమయం తీసుకుంటారని చెప్పాడు. తన అత్యంత తెలివైన ఉద్యమ ప్లాన్‌ను వాళ్లు అర్ధం చేసుకోలేరని విమర్శించాడు. ఇప్పుడే తిరుపతిలో పవన్ కళ్యాణ్ చేసిన ప్రసంగాన్ని విన్నానని చెప్పిన వర్మ తన అభిప్రాయాన్ని వెల్లడించాడు. పవన్ తాను ఏం మాట్లాడుతున్నాడో బాగా అర్ధం చేసుకునే ప్రసంగించాడని, ప్రత్యేక హోదా కోసం పవన్ ప్రకటించిన మూడంచెల సమరం చాలా సరైనదని అభిప్రాయపడ్డాడు. పవన్ కళ్యాణ్‌ను కలిగి ఉండటంతో ఏపీ ప్రజలు అదృష్టవంతులని తేల్చి చెప్పాడు. పవన్ కళ్యాణ్ అంత నిజాయితీ కలిగిన నాయకుడు ఆంధ్రప్రదేశ్ మొత్తంగా ఒక్కరు కూడా లేరని చెప్పాడు వర్మ. అతని నిజాయితీనే అతని బలమని, అతని వ్యక్తిత్వమే అతని స్టార్ స్టేటస్ అని వివరించాడు రామ్ గోపాల్ వర్మ.
No comments:
Post a Comment