ధృవ..'జనతా'ను గ్యారేజ్‌కి నెట్టేసింది!

ఇటీవలి కాలంలో టాలీవుడ్ మొత్తం ఎంతో ఆసక్తిగా ఎదురు చూసిన సినిమా జనతా గ్యారేజ్ అనడంతో సందేహం అక్కర్లేదు. టైటిల్ దగ్గర్నుంచి నటీనటుల ఎంపిక, షూటింగ్‌లో వేగం, టీజర్, పాటలు, ట్రైలర్ ఇలా అన్నివిధాలా ఆకట్టుకున్న జనతా గ్యారేజ్ పట్ల అభిమానుల్లో అంచనాలు ఆకాశాన్ని తాకాయి. సినిమాపై టాక్ ఎలా ఉన్నా.. కలెక్షన్ల వర్షం కురిపిస్తూ ముందుకు దూసుకెళ్తోంది జనతా గ్యారేజ్. అయితే, ఇటువంటి హంగామా ఏమీ లేకుండా, ఇంకా నెగటివ్ ప్రచారంతో విడుదలకు సిద్ధమవుతున్న చిత్రం రామ్ చరణ్ ధృవ. అందరి అంచనాలను తలకిందులు చేస్తూ ఈ సినిమా.. ప్రీ రిలీజ్ బిజినెస్‌లో జనతా గ్యారేజ్‌ను మించిపోవడం.. ఎన్టీఆర్ అభిమానులకే కాక, సినీ వర్గాలకు సైతం షాక్ ఇచ్చింది.

వైజాగ్‌లో జనతా హక్కులు రూ.5.1కోట్లకు అమ్ముడుపోతే... ధృవ రూ.5.4 కొల్లగొట్టింది. మరోవైపు సీడెడ్‌లో సైతం జనతాకు సమానంగా ధృవ రూ.9కోట్ల బిజినెస్ చేసింది. ఎటువంటి అంచనాలు లేని, రిలీజ్‌కు ముందే నెగటివ్ టాక్ ఉన్న ధృవ ప్రీ రిలీజ్ బిజినెస్‌తో అందరినీ ఆశ్చర్యంలో ముంచెత్తింది.

రిలీజ్‌కు ముందే దాదాపు రూ.50కోట్ల మార్క్ చేరుకునే అవకాశాలున్న ఈ సినిమా కాస్త పాజిటివ్ టాక్ సంపాదిస్తే.. జనతా రికార్డులు గల్లంతవుతాయని టాలీవుడ్ వర్గాలు మాట్లాడుకుంటున్నాయి.